Ei unik oppleving for alle i firmaet!

Heilt sidan me starta i 1994 har me skreddarsydd opplevingspakkar for bedrifter. Til dømes breturar i samband med konferansar og kurs. Målet vårt er heile tida å tilpasse produkta våre slik at De som bedrift får akkurat den oppleving og det utbytte De er ute etter. Som lagbygging (teambuilding) er bre og klatre arrangement perfekte, her må ein samarbeide om tryggleik, ta omsyn til kvarandre, og som regel er det å gå på bre nytt for dei fleste, altså ei felles ny utfording. Her må dei ulike mennesketypane jobbe saman for å nå felles mål og ikkje minst oppretthalde tryggleiken til seg sjølv og dei andre i same taulag. Om ynskjeleg har me eigne føredragshaldarar som knytar bre eller klatre opplevinga opp mot lagbygging (teambuilding).

Folgefonni Breførarlag tilbyr bre, klatre, sykle, kano, kajakk eller segle opplevingar, me set gjerne saman produkta våre med overnatting, mat, transport osv. og tilbyr det som ein komplett pakke.

Kultur

I tillegg til sterke naturopplevingar og spenning er det mange som ynskjer eit kulturelt innslag. Konsert og eller omvisning på Baroniet Rosendal, vitje Hardanger kulturgalleri, sider smaking eller segle med ei gamal Hardangerjakt er nokon av regionens kvalitetar, som er fine å kombinere med våre produkt. Me kan skreddarsy unike kulturinnslag for Dykk.

Overnatting

I området er det overnattingsplassar som i seg sjølv kan gje store opplevingar. Baroniet Rosendal, Hardanger Gjestegard, Hardingasetet, Utne Hotell og Sandven Hotell er overnattingsplassar som i seg sjølv er ein attraksjon. Regionen har også større flotte hotell som Hotell Ullensvang, Brakastad Hotell, Rosendal Fjordhotell, og Hardangerfjord Hotell. Solstrand hotell er heller ikkje forlangt vekke for dagsopplegg på Folgefonna.

Transport

I regionen har me mange transport moglegheiter. Infrastrukturen i regionen gjer at ulike transport middel av og til må nyttast for å få til eit opplegg innan avsett tid. Det er viktig å tenkje på at også reisa kan vere svært så flott, dette er ikkje "dødtid". I regionen har me uike transport tilbod som til dømes sjøfly, helikopter, fjordrafting, båt, buss, minibuss, taxi og hest.

Konferanse eller teambuilding

Planlegg firmaet Dykkar ein konferanse eller teambuliding? Eller kanskje De skal ha ei markering av oppstart av eit nytt prosjekt, og prosjektdeltakarane treng å bli betre kjent med kvarandre? Då passar ei oppleving på Folgefonna! Ta kontakt, så kan me saman med Dykk skreddarsy opplegg etter Dykkar ynskje.

Mice Hordaland

Me samarbeidar med MiceHordaland for å kunne skreddarsy våre produkt i saman med overnatting, transport, andre opplevingar osv. Mice Hordaland tilbyr pakkar for "kurs, konferanse og møter", "Incentive og opplevelser" og "Kick off & teambuilding". Meir informasjon..