Standard -Blåistur i Juklavassbreen [ONLINE BOOKING]

(Tur startar frå Folgefonn Sommarskisenter i Jondal, det er 19 km asfaltert bilveg frå Jondal til skisenteret)

Du møter oss i morgonvinden frå breen. I forventninga om eit anna landskap vandrar du over rennande vatn og blankskurde sva. Brått er du oppe ved synsranda, og Rosendalsalpane og søre Fonna ligg framfor deg. Uendelege krefter temde i is.

Saman knyter me oss i tau og stig inn ut på Folgefonna. Gjennom djupe isdalar og rundt høge, spisse istårn leitar me etter eventyret i blått. Ønskjer du spenning, høgg du deg opp 20 meter høge isveggar. Søkjer du ei mediativ oppleving, går me roleg innover hundre år gamal isørken i stadig endring. Tilsynelatande i ro, men eigentleg i ein ustanseleg rettargang mot sin dom i det grønblinkande Juklavatnet. Du kjenner stegjarnet bit seg fast i isen, og lærer samspelet med oss andre i taulaget. Du er trygg i ei ukjend verd. Tilslutt merkar du at den kvite vidda lyfter deg opp til utsikt mot havet i vest. Nede ved fjorden igjen omfamnar dei grøne bjørkelinene deg. Vonleg vil du reise heim med det urørde brelandskapet og den glinsande Hardangerfjorden brent inn i minnet ditt for alltid.

Fakta

5-6 timars blåistur som passar for alle over 8 år i vanleg god form. Oppmøte kl 10:30 (når skibussen kjem) ved Folgefonna Sommarskisenter i Jondal (1200 m o.h.). Det vil vere ulike taulag med ulike utfordingsnivå. Denne turen kan tilpassast alle, frå 8 til 80 år.

Me sjekkar sko og får utdelt utstyr. Går frå skisenteret ca kl 11:00-11:15. Turen startar med å gå til 1400 moh, Deretter går me går over snøen i ca 15 minutt før me tek på oss breutstyret og går inn i blåisen. Brefallet byr på både roleg, flat is og meir utfordrande sprekkområde. Turen vert lagt opp etter deltakarane sine ynskje og fysiske form. For nokre tyder det klatring og adrenalin, for andre vert det ein roleg tur i ei anna verd. Vel inne i isen tek med matpause me utsikt over Nordsjøen og Rosendalsalpane. Me legg vekt på å fortelje både kultur og naturhistorie i området me vandrar gjennom. Til sist går me heimover i ettermiddagsljoset med fjord og fjell under oss. Last ned produkt detaljer her

Sesong

Denne turen er dagleg frå 15 juni til og med 20 august. Utanom denne tidsperioden må ein førehandstinge minimum 3 dagar før turdato. 1 oktober er sesongen slutt då snøen igjen legg seg over isen.

Lengde

5-6 timar (er tilbake ved utgangspunkt ca 16:00, breførar tilpasser dette etter deltakarane sine ynskje). Oppmøte Klokka 10:30 ved vårt lokale ved Folgefonna Sommarskisenter (19 km frå Jondal). Det er råd å komme med 10:10 ferja frå Tørvikbygd, gje beskjed om dette ved booking.

Påmelding

Via web, telefon (+47 55298921/+47 95117792), e-post, Online booking, på kundesenteret vårt Juklafjord, eller ved næraste turistinformasjon i regionen. Påmelding seinast klokka 19:00 dagen før, eller oppmøte med atterhald om plass.

Passar for

Alle over 8 år i normal form. Etter introduksjon ved tur start vil ein fordele deltakarane på ulike taulag, her vil ein ha eit taulag som går kortare og enkelt i isen, og eit som går lengre og gjerne klatrar meir. På denne måten kan me tilpasse turen til alle.

Startpunkt (oppmøte plass)

Vis Starting point for blueice trips in Juklavass glacier i eit større kart

Reise informasjon

Veikart, Bergen-Folgefonna

Jondal-Folgefonna (19 km): Det er skilta Folgefonna (19 km) midt i sentrum. Følg vegen til Krossdalen ta deretter til høgre ved skilt "Folgefonna". Det er vegavgift som må betalast her, følg vidare vegen heilt til endes.

Frå 21 juni til og med 14 august går det dagleg buss mellom Bergen-Jondal-Folgefonna. Les meir her

Bergen -Jondal (80 km): Frå Bystasjonen i Bergen tek ein mot Åsane, deretter til Arna, ta av til venstre mot Voss. Ved rundkjøring på Trengereid tek ein til høgre mot Norheimsund. Når ein kjem til Norheimsund tek ein til høgre mot Tørvikbygd. Ferje frå Tørvikbygd til Jondal (20 min).

Det er bussamband mellom Bergen og Folgefonna. Denne går dagleg og gjer det mogleg å reise på dagstur frå Bergen til Folgefonna. For rute tider og informasjon ta kontakt med Skyss eller turistinformasjonen i Bergen (55 32 15 80). Sjå også skyss.no

Utstyr

Fjellklede (vindtette og vasstette klede), hue og vottar,solbriller, nistepakke og drikke (mogleg å fylle vatn på turen). Dersom du har gode fjellsko kan desse truleg nyttast, dersom ikkje får du låne av oss. Me har gode i sko i alle størrelsar frå 36 til 47. Me leiger ut gode goretex klede i alle str. Pris er 90 NOK pr. del (bukse/jakke), hugs å gje beskjed om str. ved booking (frå Small til X-large).

Pris

590 NOK pr. person, dette inkluderer alt naudsynt breutstyr også fjellsko. 10% familie rabatt (min 3 personar).

Er de ei gruppe gruppe på 8 stk eller meir lønnar det seg å leige "Eigen breførar"