Enkel -Blåistur i Juklavassbreen [ONLINE BOOKING]

(Tur startar frå Folgefonn Sommarskisenter i Jondal)

Du møter oss i morgonvinden frå breen. I forventninga om eit anna landskap vandrar du over rennande vatn og blankskurde sva. Brått er du oppe ved synsranda, og Rosendalsalpane og søre Fonna ligg framfor deg. Uendelege krefter temde i is.

Saman knyter me oss i tau og stig inn ut på Folgefonna. Gjennom djupe isdalar og rundt høge, spisse istårn leitar me etter eventyret i blått. Dette er ein famillievenleg tur der barn også kan få oppleve blåisens mystikk. Kjelke transport opp skitrekket, kort tur i Juklavassbreen, før ein set seg på kjelken ned skisenter bakken!

Fakta

3-4-5 timars blåistur som passar for alle over 7 år i vanleg form. Turen startar kl 10:30 frå Folgefonna Sommarskisenter i Jondal (1200 m o.h.). Turen startar med å gå til 1400 moh, deretter går me over snøen i ca 15 minutt før me tek på oss breutstyret og går inn i blåisen. Brefallet byr på både roleg, flat is og meir utfordrande sprekkområde. Turen vert lagt opp slik at sjølv 7 åringen i famillien kan vere med. På denne turen får ein kun ein smakebit av blåisen. Me legg vekt på å fortelje både kultur og naturhistorie i området me vandrar gjennom.

Sesong

Denne turen er dagleg frå 15 juni til og med 20 august. Utanom denne tidsperioden må ein førehandstinge minimum 3 dagar før turdato. 1 oktober er sesongen slutt då snøen igjen legg seg over isen.

Lengde

Minimum 3-4 timar, tilpasses taulaget,

Påmelding

Via web, telefon (+47 55298921/+47 95117792), e-post, eller ved næraste turistinformasjon i regionen. Påmelding seinast klokka 19:00 dagen før, eller oppmøte med atterhald om plass. Online booking

Passar for

Alle over 7 år i normal form. Oppmøte Klokka 10:30 ved vårt lokale ved Folgefonna Sommarskisenter (19 km frå Jondal)

Reise informasjon

Veikart, Bergen-Folgefonna

Jondal-Folgefonna (19 km): Det er skilta Folgefonna (19 km) midt i sentrum. Følg vegen til Krossdalen ta deretter til høgre ved skilt "Folgefonna". Det er vegavgift som må betalast her, følg vidare vegen heilt til endes.

Frå 15 juni til og med 15 august går det dagleg buss mellom Bergen-Jondal-Folgefonna. Sjå www.tide.no eller www.skyss.no

Bergen -Jondal (80 km): Frå Bystasjonen i Bergen tek ein mot Åsane, deretter til Arna, ta av til venstre mot Voss. Ved rundkjøring på Trengereid tek ein til høgre mot Norheimsund. Når ein kjem til Norheimsund tek ein til høgre mot Tørvikbygd. Ferje frå Tørvikbygd til Jondal (20 min).

Det er bussamband mellom Bergen og Folgefonna. Denne går dagleg og gjer det mogleg å reise på dagstur frå Bergen til Folgefonna. For rute tider og informasjon ta kontakt med Tide eller turistinformasjonen i Bergen (55 32 15 80).

Utstyr

Fjellklede (vindtette og vasstette klede), hue og vottar,solbriller, nistepakke og drikke (mogleg å fylle vatn på turen). Dersom du har gode fjellsko kan desse truleg nyttast, dersom ikkje får du låne av oss. Me har gode i sko i alle størrelsar frå 36 til 47. Me leiger ut gode goretex klede i alle str. Pris er 75 NOK pr. del (bukse/jakke), hugs å gje beskjed om str. ved booking (frå Small til X-large).

Pris

490 NOK pr. person, dette inkluderer alt naudsynt breutstyr også fjellsko.